نادين ويلسون نجيم في رسالة قوية للبنانيين: طلع اللبناني الي فيك وإيدك والكف ما تقصّر (فيديو)

2^min

نادين ويلسون نجيم في رسالة قوية للبنانيين: "طلع اللبناني الي فيك وإيدك والكف ما تقصّر" (فيديو)

شاركت ملكة جمال لبنان السابقة والممثلة نادين ويلسون نجيم مقطع فيديو عبر حسابها على منصة انستغرام، حيث حاولت نشر التوعية بين صفوف المواطنين اللبنانيين في الظروف الخطيرة والدقيقة التي يمر فيها لبنان حاليا.

وفي التفاصيل، قالت نادين ويلسون نجيم "إذا بتشوف الي قاعد حدك عم بيحرضك على خيك بالبلد حتى لو انت مش متفق معه... حتى لو انت في شي من جواتك عم بيقول خي ريحونا من هيدا... واذا خيك يلي قاعد حدك عم بيحرضك كمان على ابن بلدك يلي مش حزنان معك... طلع اللبناني الي فيك ويدك والكف ما تقصر لأن هول تصرفاتهم وتحريضهم هول بيودوا لأعمال عنف، هول الي بيكسروا بلد، هول الي بيقلبوا الناس عبعضها...".

وأضافت نادين ويلسون نجيم في حديثها: "بتكونوا عم تقتلو الشهيد مرتين، كل طفل كل وجه حلو، كل قمر، كل بريء مات بس تسمحوا للي قاعد حدكم يحرضكم ويدفشكم لأنكم تفتعلوا أعمال أو تقولوا أقوال بتودي لعنف، بتعرفوا بتودي لتحريض، هون رح يقتلوهم مرتين".

وختمت نادين ويلسون نجيم حديثها قائلة: "اغتيال ما بيكسر بلد وانفجار ما بيكسر بلد، قطعنا فيهم كثير وما انكسرنا بس الي بيكسرنا والي كان يكسرنا من قبل هو انه نحن نقلب على بعض من ورا ناس محقونين أو موتورين أو مندسين أو خونه بدهم يفتنوا بيناتنا، ما في فرح أبدًا إنو دولة عدوة مجرمة تغتال لبناني".