"خمس سنين مرقوا بسرعة"... مراسل في الـLBCI يودع المؤسسة والمشاهدين: "يمكن يطول الغياب"

نشر مراسل الـLBCI أحمد عبدالله في حسابه عبر موقع انستغرام مجموعة صور من تغطيات مختلفة قام بها خلال مزاولته عمله في المؤسسة اللبنانية للإرسال انترناشيونال.

وأرفق أحمد عبدالله الصور بالتالي: "كم يوم بيفصلوني عن وداع الـLBCI…خمس سنين مرقوا بسرعة، عشت فيهن الحلو والمُرّ معكن."

وتابع: "كنا سوا بالثورة، والانهيار، والوباء، والانفجار. غطينا انتخابات، مواجهات مسلحة، رئاسيات، و"حرب" انشالله بتخلص عن قريب... بدي اشكر المؤسسة، الإدارة، والزملاء، على كل فرصة عطوني ياها، وعلى كل تجربة علمتني شي جديد.... بتمنى النجاح والتوفيق للكل من كل قلبي."

وختم أحمد عبدالله منشوره، كاتبا: "أما إنتو يا مشاهدينا، يمكن يطول الغياب، بس الأكيد إنو رح نلتقى من جديد، وعلى أمل تكون الأيام الجايي أرحم وأفضل إلنا كلنا".