سوا منقدر نحقق أشياء عظيمة لبلدنا... نادين ويلسون نجيم: هلأ وقت نرجع نبني وطن سوا (فيديو)

3^min

"سوا منقدر نحقق أشياء عظيمة لبلدنا"... نادين ويلسون نجيم: هلأ وقت نرجع نبني وطن سوا (فيديو)

جددت ملكة جمال لبنان السابقة الممثلة نادين ويلسون نجيم شكرها لكافة المتبرعين الذين ساعدوا أبناء بلدهم، وذلك بعد المأساة التي عاشها لبنان وشعبه مؤخرا.

وفي التفاصيل، نشرت نادين ويلسون نجيم مقطع فيديو عبر حساباتها على مواقع التواصل الاجتماعي حيث أعلنت انتهاء الحملة التي أطلقتها خلال فترة الحرب، كما أكّدت أن ذلك لا يعني توقفها عن دعم ومساعدة وطنها.

وقالت نادين ويلسون نجيم في حديثها: "رسالة خفيفة نظيفة فيها بسمة وشكر وامتنان لكل شخص اتبرع بآخر هالحملة، نحن رح نوقف جمع التبرعات بس بدي قلكن إنه إنتو ساعدتوا أكثر من 7 آلاف طفل، وزعنا على كل لبنان وما خلصنا أنا بعد باقيلي مبلغ 3 آلاف دولار رح اشتري فيهن بعد غراض ورح كفي توزيعهن على الأشخاص اللي معقول يعوزوا مستلزمات للولاد".

وأضافت: "من قلبي شكرا عنجد إنه حسيتوا مع العالم شكرا إنه حسيتوا إنه لازم تمدوا إيدكن وتساعدوا بالطريقة تبعكن (...) شكرا من كل قلبي على كل شي، شغلنا ما خلص، ما خلص مش بس لأنه بدنا نساعد العالم، ما خلص لأن هلأ وقت نعمر سوا نكون سوا نرجع نبني وطن سوا نبني دولة سوا تحمينا كلنا سوا بدي إتشكركن". (...)

وأرفقت نادين ويلسون نجيم المنشور برسالة مكتوبة جاء فيها: "سوا منقدر نحقق أشياء حلوة وعظيمة لبلدنا، ما بعرف من وين بلّش، بس بدي قلّكن شكراً من كل قلبي لكل شخص ساعدني بهالمبادرة لنساعد ولاد لبنان. كل واحد منكن كان جزء أساسي من هالقصة، وبدونكن، ما كنا قدرنا نعمل شي".

وأكملت نادين ويلسون نجيم حديثها قائلة: "من السواقين يلي ما وقفوا ليل نهار عالطرقات، للصيادلة يلي أمّنوا الحاجات الضرورية، للأشخاص يلي وزعوا المساعدات عكل المناطق، ولكل حدا وقف معي ونظم الشغل بكل التفاصيل شكراً من القلب. وكمان للناس يلي ساعدوني نجمع التبرعات، والناس يلي ما وفّروا ولا شي ليوقفوا حدنا. أنتوا أثبتتوا إنو المحبة والإنسانية هني أكبر قوة بهالدني".

وختمت نادين ويلسون نجيم الرسالة: "هيدا الجهد الجماعي يلي عملناه مع بعض مش بس ساعد ولادنا، بس كمان ذكّرنا إنو نحنا شعب ما بيتكسر وقت نكون سوا. شكراً لأنكن كنتوا جزء من هالمشوار. الله يردلكن كل خير عملتوه أضعاف بحبكن كتير".